Það var skemmtileg tilbreyting í hestamennskunni þegar Eiðfaxi-Hestar hélt uppá 30 ára afmæli sitt í Vatrargarðinum í Smáralind nú í kvöld. Hinrik Bragason vann töltkeppnina á Lokk frá Þorláksstöðum sem er nýr keppnishestur fjölkyldunnar. Edda, dóttir þeirra Hinna og Huldu gekk vel með Lokk á íslandsmeistaramótinu og hafnaði í þriðja sæti í unglingaflokki í tölti. Lokkur er svona ekta mjúkur og góður töltari með fallegan höfuðburð og mun án efa halda áfram að gleðja fjölskyduna á Árbakka.  Eiðfaxi-Hestar ákváðu að heiðra Valdimar Bergstað sem nýverið var kosinn efnilegasti knapinn af hestamönnum.

Stóðhestarnir Leiknir, Ljúfur, Ketill og Garri frá Vakurstöðum eru komnir á hús hjá okkur í Víðidalnum. Þannig að undirbúningurinn fyrir veturinn og sumarið er að hefjast af fullum krafti. Leiknir verður í þjálfun hjá Valdimari í vetur ásamt nýjum hesti, Glym frá Sauðárkróki, sem hann sýnir í fyrsta skipti núna í kvöld í Vetrargarðinum í Smáralindinni. Ljúfur er albróðir Listar frá Vakurstöðum en faðir þeirra er Óður frá Brún og móðirin er Lyfting frá Ysta-Mó.

 

Við fengum þetta myndbandsbrot sem tekið er á uppskeruhátíð hestamanna og úr íþróttaþætti á RÚV sem sýndur var nú nýverið í sjónvarpi allra landsmanna.

Valdimar Bergstað var valinn efnilegasti knapi ársins á uppskeruhátíð hestamanna sem haldin var á Broadway s.l. laugardagskvöld. Valdimar hefur verið mikið í keppni þetta árið og tekið þátt í næstum öllum stærstu mótum ársins og unnið a.m.k sextán gull, fjögur silfur og tvö brons.

Grundvöllurinn að árangri Valdimars er áhugi hans á hestaíþróttinni en hann eyðir öllum stundum utan skóla í hestamennsku. Hann hefur haft með sér góða þjálfara, Olil Amble og Hinrik Bragason sem hann m.a. þakkar stuðninginn. Valdimar keppti í annað sinn á HM2007 í Hollandi en hann hefur verið í landsliði íslands í hestaíþróttum í fjögur ár aðeins sautján ára gamall.